Skólamál karldýranna

Foreldraviðtöl hjá bræðrum búin og foreldrar bara ánægðir með vitnisburð og umsagnir.  Bræður koma glimrandi vel út úr lestri  - vel yfir meðallag og svona kringum meðallag í öðru.  Hegðun og vinnusemi þess sem hefur löngum átt erfitt með að sitja kyrr er með besta móti og kennari talar um að úthald og vinnusemi sé ótrúlega mikið mun betri en á síðasta skólaári.  Allir eru hamingjusamir með það.

Sá stóri hefur nóg að gera í sínu námi og gengur vel.  Situr núna á föstudagskvöldi við verkefnavinnslu.  Á morgun ætlar hann svo að skoða möguleika á frekara námi og fara á Háskóladag í Ráðhúsi Reykjavíkur. 

Ég er ekki í skóla og ætla ekki í skóla.  ( fyrir utan skóla lífsins sem allir eru í )  Hins vegar er ég að kenna verslunarreikning og bókfærslu á námskeiði sem heitir Skrifstofuskólinn.  

Eldaði kakósúpu í kvöldmat og eftir kvöldmat byrjaði ég að elda sjávarréttasúpu sem verður í afmælisveislunni hennar svilkonu minnar á morgun.  Lyktin lofar allavega góðu

 

Athugasemdir

[Ingþór (IP-tala skráð) 19.2.2011 kl. 11:28]

Gott að karlarnir séu að standa sig í náminu, hvernig eldar maður kakósúpu án þess að kaupa hana út í búð ? Mig langar í kakósúpu.

[Húsmóðir, 19.2.2011 kl. 13:21]

http://innipuki.blog.is/admin/blog/?entry_id=1143992

Uppskrift sett inn, þér til heiðurs !

[Ingþór Sigurðarson (IP-tala skráð) 21.2.2011 kl. 18:22]

Eitthvað er þessi tengill ekki að virka !

[Húsmóðir, 21.2.2011 kl. 21:18]

http://innipuki.blog.is/blog/hagsyna_husmodirin/

en þessi ?