að ættleiða ættingja

Mikið væri ég stundum til í að geta ættleitt nokkrar frænkur, frændur og ömmur.   Synd að það skuli ekki vera hægt því það er svo fuuuuullllt af einmanna fólki allt í kring um okkur.

 

Annars er það ekki góðsemin ein sem er að plaga mig - skólinn ekki byrjaður og ég er aftur heima á morgun með strákana.  Mig vantar sem sagt pössun og þá leitar maður yfirleitt fyrst til ættingja ! 

 

Ef þið vitið um spræka ömmu sem er til í að fara í fótbolta, spila veiðimann, innipúka og bingó, búa til skrýmsli og vélmenni úr legó og fleira sem 6 ára guttum þykir skemmtilegt  þá  endilega bendið henni á þessa síðu !

 

 

Athugasemdir

[Kristín Björg Þorsteinsdóttir, 9.1.2008 kl. 09:23]

Já - það eru örugglega margir í sömu stöðu og þú að vanta ættingja í kringum sig. Við fjölskyldan erum ágætlega stödd með eina ömmu og með ættingja í húsinu. Og stelpurnar orðnir unglingar.

Eins og þú segir þá eru örugglega margir einmana í þessum heimi og vildu svo gjarnan láta ættleiða sig!