föstudagur í gær

• Þá fékk ég skyr í hádeginu - venjulegt hrært skyr með rjómablandi.
• Eldaði saltfisk og kartöflur í kvöldmat
• fór EKKI í bónus
• Keypti bensín fyrir 157 kr líterinn
• fékk tölvupóst frá bókasafninu og borgaði 540 kr í sekt
• gladdist yfir því a ÚTSVAR væri byrjað aftur á RÚV
• Sofnaði samt sem áður yfir Útsvari í sjónvarpinu og veit ekki hvort liðið vann.

Annars var þetta ósköp venjulegur dagur að öðru leyti - bræður fá ný heimaverkefni með sér heim á föstudögum og um leið fá foreldrar svokallaða samskiptabók þar sem "hrós eða last" vikunnar kemur fram.  Bræður fengu báðir ágætis vitnisburð þessa vikuna sem eru framfarir frá síðustu viku.

Er vel útsofin húsmóðir í dag og vonandi skilar það sér í þrifum, þvotti, tiltekt og bakstri......

Eigið öll góðan dag.

Athugasemdir

[Íris Ásdísardóttir, 14.9.2008 kl. 11:30]

Ég eldaði líka fisk sem sonur minn er yfirleitt duglegur við að skófla í sig með kartöflum og bræddu smjöri. Í þetta sinn samt gerðist hann andvígur öllum mat því hann vildi horfa á sjónvarpið frekar !! Nýtt vandamál sem ég þarf að finna lausn á.......ertu með einhver ráð ??