hrakfallabálkur

Um hádegisbilið í dag var hringt í gsm símann minn " Skólinn"´.  Ég fæ alltaf smá sting í magann þegar skólinn hringir, yfirleitt þýðir það annaðhvort a)veikindi eða slys  b) óhlýðni.  Í þetta skiptið var það a)   Hrakfallabálkurinn sem eyddi allt of stórum hluta sumarsins  haltrandi, annðahvort með fótinn í teygjusokk eða gifsi meidddi sig.  Í sama fætinum og í sumar.  Pabbi, sem var heima í hádegismat sótti stráksa en ég brunaði heim og tók að mér hjúkrunarstörf.  ( Enda ekkert stress í vinnunni hjá mér og búið að gera ráð fyrir pabba í verk fyrir utan bæinn )

Stráksi tók því rólega fram eftir degi - horfði á DVD en var svo farinn að verða eirðarlaus.  Leiddist og fannst skrítið að hafa bróður sinn ekki heima.  Bróðir skilaði sér svo af fótboltaæfingu og eftir heimalestur og svoleiðis var stráksi orðinn nógu sprækur að haltra inn í vinsælasta herbergi hússins " eða herbergið sem PS2 leikjamaskínan er staðsett "  Þegar úthlutuðum tölvutíma var lokið var ákveðið að fara á bókasafnið þar sem hr. hrakfallabálkur treysti sér til að fara " ég fer bara hægt og svo förum við í lyftuna "  Að bókasafnsheimsókn lokinni vildu bræður frekar vera einir heima og horfa á barnatímann meðan mamma færi í búð.  Með kveikt á sjónvarpinu, símann á borðinu og símanúmerið hennar mömmu á blaði þóttust bræður færir í flestan sjó.

5-6 mínútum eftir að ég yfirgef heimilið hringir gsm síminn " mamma, við eru báðir alveg að drepast " sagði hrakfallabálkurinn í pirringstón.  " Nú"  sagði ég og þóttist ekkert skilja, af hverju ?  "við erum svo rosalega svangir" sagði hrakfallabálkurinn og stundi.  " Ég er alveg að koma " sagði ég , enda nánast búin að finna allt sem ég ætlaði að versla.  " Mamma" heyrðist hálf höstuglega í símanum, við gætum verið dánir þá !  Sonurinn treysti því greinilega að ég hefði ekki áhuga að svoleiðs aðkomu og hafði rétt fyrir sér því ég gaf eftir  " ókey " þið megið fá ávexti ef þeir eru til.   Allt í læ, sagði sonur og skellti á.   Rúmri mínútu seinna hringdi síminn aftur.  Hinn sonurinn var á línunni " mamma ég er að drepast ég er svo svangur "   Ég vissi svo sem alveg hvað klukkan sló - hann varð að fá að hringja líka - og fékk nákvæmlega sama svar og bróðirinn " Ávextir ".  ókey bæ sagði hinn sonur og skellti á.  Þremur mínútum seinna renndi ég í hlaðið.  Bræður sátu í sófanum nagandi epli , voru fegnir að sjá mig og spurðu svo " hvenær verður maturinn tilbúinn ? "

Það kemur í ljós hvort bræður lifa það af að bíða eftir matnum.

 

 

Athugasemdir

[Lillý (IP-tala skráð) 19.11.2008 kl. 12:54]

kannast við þetta alltaf svöng :) gaman að lesa þetta :) þetta er skemmtilegur aldur :)verðum að frara að plana piparkökubakstur og laufabrauðsgerð við verðum að fara að drífa í þessu kíki í dag þegar ég verð búin í foreldraviðtölum :)

[Anna Ágústa Bjarnadóttir, 20.11.2008 kl. 12:59]

strákarnir ykkar með svörin á hreinu þeir eru frábærir,já þekki það að þegar í búðina er komið þá er hringt og sagt,mamma hvað keiftirðu ? það er ekkert verið að bíða þar til mamma kemur úr búðinni, sjáumst vonandi fljótlega

kveðja úr neðri byggð

[Ásta Björk Hermannsdóttir, 22.11.2008 kl. 11:35]

ohh þeir eru svo yndislegir þessar elskur