íslensk tunga lærist víða

Ég sem mikill bókaormur hef gert töluvert af því  að lesa fyrir bræður og flest kvöld vikunnar er lesin saga fyrir svefninn.   Notaleg stund fyrir alla.  JA hefur alltaf verið duglegur að spyrja þegar hann heyrir orð sem hann ekki skilur.  í fyrradag var t.d. spurt, hvað er kúbein ? 

Hinn sonurinn hefur aldrei spurt. 

Bræður fengu mp3 spilara í jólagjöf og er óhætt að segja að spilararnir séu mikið notaðir, bæði til að hlusta á tónlist, leikrit og sögur.  Bara hamingja og allir ánægðir.   það er greinilegt að eitthvað síast inn því hinn sonurinn er nú farinn að spyrja, "mamma hvað er kvalinn ?  eða " hvað er að svífa " ?  Þetta er hið besta mál.

 íEn það er ekki allur fróðleikur jafn skemmtilegur  : JA sönglar hina ýmsustu lagstúfa þessa dagana og sá sem heyrist oftast er svona :

" stubbarnir syngja og dansa makarena, þúúúú ert belja með spena "    Ekki mjög skemmtilegt en þetta rímar     Annars ætla ég ekki að voga mér að segja eitt styggðaryrði um þennan lagstúf.  Sonurinn söng nefnilega "fullorðins" útgáfu af þekktri barnagælu í kvöld.

" afi minn og amma mín

út á bakka búa

afi girðir niður um sig

og amma ................... a "

Ég vil helst ekki heyra fleiri svona útgáfur

JA var boðið í afmæli til bekkjarfélaga en SÁ var heima.  fékk að fara í PS2 tölvuna á meðan.    Svo kom JA heim úr afmælinu og bræður fóru að bera saman bækur sínar

"mér finnst óréttlátt að hann fékk kökur, nammi og kók meðan ég fékk ekki neitt "

" mér finnst óréttlátt að hann fékk að fara í PS2 tölvuna en ekki ég "

Það er stundum erfitt að vera til.

 

Athugasemdir

[Anna Ágústa Bjarnadóttir, 29.1.2009 kl. 14:48]

þessir gaurar ykkar þeir eru ótrúlegir,ég hef reyndar ekki fengið að heyra textum breitt en ýmsar spurningar eru að koma framhjá elstu dótturinni svona stelpumál  og það er efni í bloggfærslu,mig grunar að þú vitir hvað ég á við en strákar glíma ekki við svona líkamsbreytingar en ýmislegt er verið að ía að,en kveðja til ykkar og sjáumst fljótleg,sakna þín,  enda langt síðan við hittumst síðast

kveðja úr neðri byggð

[norska mágkona (IP-tala skráð) 29.1.2009 kl. 16:34]

hahahahhahahah snilldarblogg. Svo gaman að lesa um eitthvað annað en kreppu og ríkisstjórn... hvað þá ríkisstjórnarkreppu!

[S Kristján Ingimarsson, 30.1.2009 kl. 10:14]

Ég hef nú ekki heyrt þessa vísu fyrr og er mikið búinn að pæla í hvað vantar inn í hana, er það "amma geyspar af lúa"?

[Húsmóðir, 30.1.2009 kl. 10:55]

ha ha ha -  afgangurinn af vísunni verður EKKI birtur á prenti ( allavega ekki á þessu bloggi ) - en ágiskunin er ekki rétt  

[Anna Ágústa Bjarnadóttir, 30.1.2009 kl. 16:12]

mig er farið að gruna afgangin af vísunni,,,,,,og amma byrjar að sj.. ætla ekki að segja meir en er þetta eitthvað í áttina þetta fer að verða spennandi strákarnir þínir eru nokkuð duglegir að koma frá sér það sem þeir uppskera í leik og akóla

kv úr neðri byggð