kreppa ?

Annar sonurinn hefur tekið upp á þeim leiða ósið að naga gat á vettlingana sína.  Frá áramótum eru allavega tvenn pör orðin útnöguð og götótt   

Sami sonur er heldur ekkert sérlega passasamur á fötin sín og 2-4 sinnum í viku fer ég inn í anddyrið á stofunni hans til að sækja vettlinga og húfur. ( og allt annað sem hann skilur eftir )  Í morgun verð ég samferða stráksa inn í stofu, hann fer að klæða sig úr og ég að leita í óskilamunum.  Hef eitt par af vettlingum upp úr krafsinu, útnagað. 

kennarinn sem er þarna staddur spyr " eru þetta ekki nýir vettlingar " ?  Ég jánkaði því og bætti við að þetta væri annað parið síðan um áramót sem hefði fengið svona "nagað útlit "

Þá heyrist í stráksa,  sem er að hengja upp úlpuna sína, með hneykslun í röddinni : " já ég fæ alltaf svo lítið nesti með mér  "  

Vesalings barnið sem fær ekki nóg að borða og þarf að naga vettlingana sína  

 

Athugasemdir

[Jón Arnar, 29.1.2009 kl. 23:44]

Kalk eða sýra = vöntun (ég var eins og þinn "litli")

[mamma(amma) (IP-tala skráð) 29.1.2009 kl. 23:58]

Ekki skamma minn drenginn ,ég gerði þetta svo lengi að ég man þetta alltof vel (ojbara)ég man aldrei  að ég hafi verið svöng,stundum ráðum við ekki við okkur og föttum ekki þörfina ,ammaDp elskum hvert annað

[Íris Dögg (IP-tala skráð) 30.1.2009 kl. 14:29]

Snillingur:)

[Anna Ágústa Bjarnadóttir, 30.1.2009 kl. 16:15]

ertu ekki hagsýn og sparsöm húsmóðir ekki grunaði mig að stráksi glímdi við nestisskort,allavega hefur þú hagsýna móðir deilt með okkur góðum sparsömum ráðum,sem betur fer því það hefur komið sér vel

en kveðja úr neðri byggð