Við erum alveg eins og tvíburar

sagði annar sonur hálf glottandi þegar bræður voru á leið út,  þegar í ljós kom að þeir voru nánast alveg eins klæddir,  blár íþróttagalli, eins skór og samskonar svört yfirhöfn.  

Mér fannst þetta fyndið þar sem því verður ekki mótmælt að bræður ERU tvíburar.   Þegar þeir voru minni voru þeir reyndar mjög oft svipað eða eins klæddir.  En eftir því sem þeir stækkuðu fjölgaði skiptunum sem þeir voru EKKI eins og það má segja að frá því þeir byrjuðu í skóla hafi þeir sjálfir séð um að velja sér föt og á tímabili gerðu þeir í því að vera EKKI eins.

En hún er lífsseig þessi "mýta" að tvíburar þurfi og eigi alltaf að vera eins.  Ég man eftir að hafa fengið spurningu frá skólafélaga þeirra bræðra :  Af hverju eru þeir ekki alltaf eins klæddir, þeir eru tvíburar ?

Tvíburar eru í fínu formi - fóru til Reykjavíkur með skólanum í vikunni.   Strákur hringdi í mömmu sína þegar heim var komið úr ferðinni.  Við spjölluðum um ferðina og strákur sagði mömmu frá því helsta.    En hann geymdi það besta þar til síðast  " mamma, veistu hvað við vorum heppnir , við fengum bæði pizzu, og og ís "  Greinilega hápunktur ferðarinnar. !

Ég bakaði mjög óholla súkkulaði köku áðan, - en jemundur minn hvað hún var góð  

 

Athugasemdir

[Anna Ágústa Bjarnadóttir, 21.9.2009 kl. 09:45]

tvíburaumræðan er allt í einu farin að aukast á okkar bæ,og þau pæla mikið í þessu að þau séu tvíburar,og hverjir eru ekki tvíburar,en gaman af umræðunum hjá þeim um þetta mál

kv úr neðri byggð

p,s. sendi þér