Bakstur framundan ?

Ég fjárfesti í 40 kílóa poka af frekar grófu mjöli því ég ætla að vera svo sparsöm og dugleg að baka í vetur. Og að sjálfsöðgu á allur þessi bakstur að vera í heilnæmari kantinum.

Fall er fararheill - eða verð ég ekki að vona það, svona miðað við hvernig afraksturinn eftir fyrsta bakstursdaginn var.

Umsagnirnar voru á þessa leið :

Brauðið var of þurrt, meira að segja nýbakað með smjöri
orkubitarnir : það var ekkert bragð af þeim ( mátt segja meira súkkulaði næst mamma )
Múslíbitarnir - þurrir og bragðlausir - þrátt fyrir súkkulaði og döðlur ( Það var reyndar of lítil feiti í þeim, ég veit það )
Kryddbrauðið - fékk hvorki hrós né last en ég held reyndar að eiginmaðurinn hafi verið afar svangur !

Óska eftir töfraráðum hvernig er hægt að umbreyta grófu heilhveiti í ætilegt og heilsusamlegt bakkelsi.

Athugasemdir

[Hafdís. (IP-tala skráð) 11.9.2011 kl. 14:40]

Þú þarft að blanda það með hveiti.Ef maður notar bara grófa mjölið verður það þurrt og þungt brauð sem kemur út.Og hveiti er ekki óhollt .Prófaðu helmingaskipti.Kveðja hafdís.