Er Mansester hreinn ? En Frakkland ? En Liverpúl ?

Ekki óalgengar spurningar á morgnanna á þessum bæ - a.m.k. þegar eru íþróttir í skólanum eða fótboltaæfing.

Bræður eiga samtíning af fótboltabúningum en þykir ágætt að breyta samsetningunum öðru hvoru.  Hræódýrir, illa saumaðir, Manchester United stuttermabolir úr kolaportinu - vandlega merktir Beckham - eru í uppáhaldi. 

Í morgun var úr vöndu að velja  - bara allt hreint ?

SÁ - ég vil fara í Mansester bolinn og Liverpúl stuttbuxurnar, það gekk upp  - JA gat ekki verið alveg eins ( það er ekki "inn" hjá bræðrum að vera eins þessa dagana ) svo hann valdi : Mansester bolinn en Frakklands stuttbuxurnar.  Þá var málinu reddað.

Það er búið að gefa út það loforð að versla fótboltaföt, fótboltaskó, fótboltadót og búninga á Spáni.   kreditkortið er komið í kæli og risastóru ferðatöskurnar teknar með - fara tómar út og koma fullar heim. 

 

 

 

Athugasemdir

[Ella frænka (IP-tala skráð) 28.5.2008 kl. 20:09]

Af fenginni reynslu er betra að hafa kortið  í frystinum, í  útlöndum líka ef hægt er. Helst að vera með kælipoka með í veskinu.

[Lilja G. Bolladóttir, 1.6.2008 kl. 07:14]

Aha, þekki þessar pælingar með fótboltabolina..... líður vafalaust ekki á löngu áður en þeir skipta yfir í Billabong og Element og eitthvað enn dýrara, sem ekki er hægt að kaupa "falsað" á Spáni....

Enjoy....

[Lilja G. Bolladóttir, 1.6.2008 kl. 07:15]

Góða ferð og góða skemmtun!!!