Bræður bjarga sér !

Bræður eru alsælir að vera komnir í sumarfrí.  Búnir að vera við skólaslit - sækja vitnisburðinn sinn  og kveðja kennarann.    Eru sennilega dauðfegnir að þurfa ekki að eiga nein samskipti við kennara fyrr en í haust.

Það styttist í sumarfrí og Spánarferð.  Meðan gamla settið er í vinnunni eru bræður á leikjanámskeiði og svo bjargar amma í rauða húsinu málum eftir hádegi eða þar til mamma kemur heim.

Mamma fer af stað klukkan átta en leikjanámskeið byrjar klukkan níu.  þenna klukkutíma þurfa bræður að  að vera einir heima.  Það finnst þeim "kúlt"  .  Mamman er hundstressuð yfir þessu en bræður eru frekar slakir.   Ég fékk skýringu á því í dag -  voru búnir að kveikja á sjónvarpinu, reyna að starfa PS2 tölvunni og sátu svo óskaplega samrýmdir í heimilistölvunni þegar afi kíkti við svona til að tékka á stöðunni rétt fyrir níu í morgun

Það kom svipur á bræður þegar ég fór að spyrja þá út úr þessu * svona á ég að skrökva eða segja satt og verða kannski skammaður * svipur  en báðir viðurkenndu þeir að hafa farið í tölvuna  - alveg óvart bætti SÁ við.  Auðvitað gerist svona bara óvart !!   Þeir lofuðu báðir hátíðlega að gera þetta ekki aftur.  Ég trúi því svona mátulega, ætla að gera einhverjar varúðarráðstafanir !

Bræðrum og leiksystur datt í hug í kvöld að halda tombólu og voru búin að fara í tvö hús og fá dót.  Ég hef nú nokkuð sterkan grun um að löngunin til að láta gott af sér leiða hafi ekki verið kveikjan að þessari hugmynd heldur hafi þau séð þarna möguleika til að verða sér úti um nammipeninga    Ég hélt tilfinningaþrungna ræðu um tombólur og tilgang þeirra, fátækt í Afríku, svöng börn sem sofa í pappakössum og þar fram eftir götu.   Ég held að það hafi virkað - allavega á að fresta tombólunni fram yfir Spánarferð og afraksturinn á að renna til rauða krossins.

Ég þurfti að leita að bræðrum í kvöld - annar þeirra skilaði sér heim í millitíðinni og vísaði á hinn.   Hann var reyndar á heimleið þegar ég fann hann.  setti svo plástra á fótinn á leiksystur því mamma hennar á ALDREI plástur.     Fyrst hún átti ekki plástur í fyrrasumar (einu sinni ) þá á hún örugglega ekki plástur núna !

Á morgun fer hópurinn á leikjanámskeiðinu í sund - gaman gaman gaman

  

Athugasemdir

[norska mágkona (IP-tala skráð) 6.6.2008 kl. 21:22]

hahahaha. Einu sinni þegar ég var níu ára ákváðum ég og vinkona mín að týna saman drasl í "happapakka" og fara og selja nágrönnunum dýrum dómum...Minnir þeir hafi kostað 50 kall eða eitthvað álíka. Þetta fannst mörgum spennandi og keyptu pakka af okkur. Svipurinn á þeim þegar þeir opnuðu "happapakkana" og tóku út vel notuð strokleður eða alveg búna blýanta var skemmtilega fullur vonbrigða og við héldum í næsta hús að selja. Við náðum nú að safna 1800 kr til styrktar sjúkrahúsinu eða eitthvað álíka...... Vinkonan fór beint með sína peninga og keypti sér Lafði Lokkaprúð.... Ég hins vegar með eitthvað meiri samvisku fór niður í spítala...bankaði á eldhúshurðina og rétti þeim 900 kallinn; þetta er handa spítalanum. BÆ.

Held að fjárlög spítalans hafi hafnað réttum megin við strikið þetta árið.