Það var sumar í bænum mínum í dag.

Ég hef fundið þetta á mér í morgun - hafði hvorki löngun að elda né borða hafragraut svo ég bauð bræðrum upp á "boost" drykk úr skyri og ávöxtum.  Þeir tóku því vel en fannst samt skrítið að fá svona ískaldan morgunmat. 

Leyfði bræðrum að fara á flakk þegar skólasundi var lokið.  Vinurinn sem átti að heimsækja var ekki heima svo bræður lögðu bara land undir fót og heimsóttu annan vin.  ( höfðu nú ekki leyfi til að fara alveg svo langt en............................ )  stundum er allt of langt að fara heim og spyrja um leyfi

Eftir kvöldmat voru bræður óvenju duglegir og fljótir að lesa heima enda máttu þeir fara út að lestri loknum.  - maður lætur ekki segja sér svoleiðis tvisvar.  Þegar klukkan var orðin 15 mínútum yfir leyfilegan útivistartíma og bræður ekki komnir heim fór ég um hverfið að leita.  Fann þá alsæla hoppandi á trampólíni með Eyþóri nýjasta vini sínum ( sem er svo stálheppinn að eiga trampólín í garðinum ) 

Það má búast við að bræður verði þreyttir í fyrramálið - þrátt fyrir að vera komnir í rúmið og búnir að hlusta á kvöldsögu þá eiga þeir erfitt með að slaka á og sofna. 

Í gær fóru bræður í myndatöku og sóttu um vegabréf - það er nefnilega farið að styttast í Spánarferð    

Ennþá eru framkvæmdir á heimilinu - nú hamast eiginmaðurinn við þakið.  Smíðar og sagar  og borar og neglir.  það er fjör en verður ægilega fínt þegar nýtt þak verður komið.   - þá verður okkar hús ekki lengur með ljótasta þakið í götunni. 1

kveð í bili

Á mamma að verða forseti ?

spurði ég bræður við kvöldmatarborðið eftir að hafa heyrt að Ólafur Ragnar yrði væntanlega sjálfkjörinn þetta tímabil.

JA hugsaði sig um smástund og sagði svo nei.   " því þá verður þú aldrei heima á daginn "

Það er nógu góð ástæða - Ólafur Ragnar fær allavega ekki mótframboð frá mér.

Umskiptingar

" Álfur ( venjulega gamall ) látinn í  stað mennsks barns sem álfar tóku.

Fletti því orði upp í dag en ég hef mikið  velt því fyrir mér undnafarið hvar vel uppöldu og kurteisu strákarnir mínir eru ?

Bara í dag er búið að taka nokkur frekju og fýluköst - það er búið að reka tunguna á sér framan í mig ( og svo hjólaði dýrið í burtu svo ég næði örugglega ekki í rassg......á honum )  Sögnin að hlýða sem bræður þekktu ágætlega fyrr í vetur er dottin út úr orðaforðanum.

Og svo gerðist einn sonur fingralangur og stal 100 kr.  

Ég vil fá strákana MÍNA aftur.

 

Guðmundur í Byrginu

Ég hef það eftir nokkuð áreiðanlegum heimildum að hann komi ekki til með að eiga náðuga daga bak við rimlana þegar hann afplánar  (smánarlegan og allt of stuttan ) dóm sinn.

margir hverjir sem sitja inni eru fíklar og margir þeirra voru í Byrginu í lengri eða skemmri tíma.  Margir þeirra sem sitja inni eiga systur, frænkur, eiginkonur eða vinkonur sem voru misnotaðar.    

Ég ætla ekki að eyða orðum á þennan "mann" en hann á bæði börn og barnabörn.  Ég hef samúð með þeim

Ég var klukkuð

Gamall vinnufélagi og núverandi Bloggvinur klukkaði mig.  þannig að ég ætla að setja á blað 7 atriði sem ég er þakklát fyrir.   Það er reyndar óendanlega margt sem ég er þakklát fyrir en það eru ennþá fleiri atriði sem ég ætti að vera þakklát fyrir. 

Ég er þakklát fyrir

eiginmann minn

strákana mína

góða heilsu

góða vini og fjölskyldu

skemmtilega vinnu og gott vinnuumhverfi

Þak yfir höfuðið

og gott líf

Það sem ég ætti að vera þakklát fyrir en kann ekki að meta þvi ég hef það svo gott og tek öllu sem sjálfsögðum hlut er t.d. þetta
  

    Fyrir litlu systir mína,
    sem hringir til að kvarta yfir að þurfa að hjálpa til heima,
    því það þýðir að hún er heima,
    og ekki á götunum

    Fyrir skattana
     sem ég þarf að borga
    því það þýðir að ég hef atvinnu

    Fyrir allt draslið
    sem þarf að taka til eftir party
    því það þýðir að ég hef verið umkringd vinum

    Fyrir fötin
    sem eru aðeins of lítil
    því það þýðir að ég hef nóg að borða

    Fyrir skuggann
    sem fylgist með mér vinna
    því það þýðir að ég er úti í sólinni

    fyrir lóðina sem þarf að slá,
    gluggana sem þarf að þrífa,
    og þakrennuna sem þarf að gera við,
    því þetta þýðir að ég á heimili

    Fyrir allar kvartanirnar
    sem ég heyri um yfirvöldin
    því það þýðir að við höfum frelsi til að tala...

    Fyrir bílastæðið
    sem ég fann við enda bílastæðanna
    því það þýðir að ég er fær um að ganga
    og hef farartæki

    Fyrir þennan risa hitaveitureikning
    sem ég var að fá
    því það þýðir að mér er ekki kalt
   
    Fyrir hrúguna
    sem ég þarf að þvo og strauja
    því það þýðir að ég hef föt til að vera í

    Fyrir þreytuna og verkjunum
    sem ég finn fyrir í lok dagsins,
    því það þýðir að ég get unnið

    Fyrir vekjaraklukkuna
    sem vekur mig að morgni dags
    því það þýðir að ég er á lífi!

Ég klukka svo nokkra bloggvini - farið því að hugsa ykkur um !

kv frá þakklátri húsmóður

fjöruferð og strokupiltar

í skólanum hjá bræðrum í vikunni - sitthvorn daginn þar sem bræður eru í sitthvorum bekknum.    Degi fyrir fjöruferð kom miði heim úr skólanum um tilhögun ferðarinnar.  M.a áttu börnin að koma með auka drykk - en það mátti ekki vera gos. 

Ég horfði á miðann í smá stund  - þarf virkilega að taka svona fram ?  Eru virkilega einhverjir foreldrar sem finnst allt í lagi og myndu senda barnið sitt með gos í fjöruferð.  Þetta er 1 bekkur í grunnskóla.  -  

Bræður voru í essinu sínu í gær  - NOT - þegar þeir komu heim úr skólagæslu. Harðneituðu að fara á sundæfingu og stungu svo af til að finna leikfélaga - komu  heim  nokkru seinna til að spyrja hvort þeir mættu fara heim til leikfélagans.  Urðu hinir fúlustu þegar það leyfi fékkst ekki og ruku út.  Stuttu seinna voru þeir stungnir af aftur.      Hin illa innrætta móðir kláraði að eldamennskuna og hélt svo af stað til að hafa uppi á strokudýrunum.  Það tók ekki langan tíma enda vita og geta mömmur allt.   Það voru frekar lúpulegir bræður sem hjóluðu heim með mömmu sinni.   Bræður máttu þola frekar leiðilegar umræður við matarborðið um orsakir og afleiðingar óhlýðni.   Þeir gátu m.a ekki notað hjólin sín í dag.   Til að toppa daginn fyrir SÁ þá hringdi kennarinn hans heim til að láta okkur vita að hann hefði ekki fylgt reglum og fylgt hópnum í fjöruferðinni. 

Ég var sko ekki í uppáhaldi í gær - það fór ekki fram hjá mér.  Eftir allt þetta vogaði ég mér svo að láta bræður  lesa heima.  Ef það hefði verið hægt að skipta mér út fyrir aðra mömmu í gær þá hefði það verið gert.

Erfitt líf stundum.    það var þó skárra í dag enda veðrið í sólskinsskapi.  Engin miskunn með sundæfingar - bræður skyldu í sund.  SÁ nöldraði og skammaðist yfir því  að þurfa að mæta - sundæfingar væri bæði langar og erfiðar     Skil ekki ennþá af hverju hann var síðastur upp úr lauginni þegar æfingin var búin.  

Ég þokaðist ofar á vinsældalistanum í dag - enda annað ekki hægt - neðar komst maður ekki.

Spáð úrhellisrigningu á morgun og ekki líklegt að bræður fari út að hjóla - þó svo að refsingunni verði aflétt á morgun og hjólin megi aftur koma út undir ferskt loft.

Ætla að fara að taka til nesti -

 

Bensínverðið

Heyrði þetta frá starfsmanni í skólanum

En sonur minn sat og stimplaði inn tölur á vasareiknivél af miklum móð.    Eftir smá stund og mikinn innslátt dæsir hann hátt og segir " úff hvað bensínverðið er orðið hátt "

 kannski ekki algengasta áhygguefni 6 ára en greinilega einhverra........

 

Nú hef ég sofið með Spædermansæng

Kom nú ekki til af góðu - einhvern tímann undir morgun skríður annar sonurinn upp í mömmurúm.  Þó maður sé næstum 7 ára ofurtöffari í skóla og sletti orðum eins og "fokk og sjitt " í tíma og ótíma þá er maður samt ekki of stór til að skríða í mömmurúm á nóttunni.

En - stráksi þarf og vill sitt pláss, sérstaklega þegar hann er sofandi.  Hann stækkar en rúmið ekki.    Að lokum sá ég fram á að ef ég ætlaði ekki á fætur um hálf sex í morgun þá yrði ég að finna mér annan svefnstað.  Stefnan var tekið á stofusófann en  - þegar ég sá rúmið með Spæderman sænginni þá kviknaði smá ljós í mínum annars svefndrukkna heila  - og  ég þangað. 

Ég hef nú oft sofið betur - og lengur - en ég svaf þó  í tæpan klukkutíma  - með Spæderman sæng og spæderman kodda.    - geri aðrir á fertugsaldri betur.

 

Æm bakk

komin heim úr 4 daga ferð austur á firði og um leið 4 daga tölvubindindi. - bara gott.

Er ennþá alsæl eftir Hammondhátíðina - ótrúlega skemmtileg upplifun - Er þreytt í skrokknum eftir aksturinn að austan enda strekkingur alla leiðina og það verður að viðurkennast að sætið í bílnum og ég náðum ekki saman á þessari keyrslu.

Nenni ekki að blogga núna - vinna og skóli framundan á morgun.  það er greinilegt að maður er kominn heim - nestispakkar sem bíða fyrir morgundaginn.

Fékk tölvupóst ( svar)  frá kennara sonar míns í vikunni sem ég ætla að leyfa að fljóta með en ég þurfti að fá frí fyrir drengina einn dag í skólanum og svo vildi til að löggan kom í heimsókn akkúrat þann dag.

( mamma )

.................Já hann er pínu svekktur yfir því að missa af löggunni en það verður bara að
hafa það.
Ég ætti kannski bara að vera fegin að hann verður ekki - hann var nefnilega
að segja mér um daginn að löggan kæmi seinna í heimsókn.  " Þegar löggan
kemur ætla ég að vera pínu óþægur "  
Mér leist nú ekkert á það og spurði af hverju ?  " jú honum langaði svolítið
að vita hvernig væri að vera settur í handjárn "   ( úff )

( svar frá kennara )

Hann er alltaf með skemmtileg svör. Hann stökk einmitt upp á borð á mánudaginn og sagði við mig dansandi "Kennari" hvað er ég kominn með marga miða? (Heðgðunarmiða sem eru í gangi í skólanum) Ég spurði af hverju hann væri að spyrja að því. Nú mig langar svo að hætta að skólanum.  !

Hann ætlar nú samt að mæta á morgun !

kv mamman

Hammond hátíð um helgina

þið sem hafið áhuga þá eru nánari upplýsingar að finna hér

Legg af stað með bræður og farangur í bílnum á morgun - stoppa í Reykjavík og bæti einni móðursystur með í bílinn.  Ætla að eiga góða daga og helgi fyrir austan.  Slappa af, leika við strákana mína og síðast en ekki síst - fara á tónleika.

húsmóðurkveðja

P.S var arfaléleg húsmóðir í kvöld og bauð upp pizzulíki og AB mjólk með jarðarberjum í kvöldmat.    Bætti það upp með því að gera extra hollt nesti fyrir morgundaginn.