geturu geft mér

14 þúsund krónur þegar ég á afmæli sagði 8 ára strákur í kvöld en hann var í afmælisveislu hjá bekkjarsystur sinni og orðinn dálítið ör.

til hvers þarft þú 14 þúsund krónur sagði mamman hin rólegasta.  Sko mig vantar að kaupa svona kall ( og svo kom lýsing á þessu ákveðna leikfangi ) puttahjól og puttabretti og annað puttabretti og eitt svona hjól í viðbót.   Strákur var handviss um að þetta allt kostaði 14 þúsund krónur.  Ekki seinna vænna en að leggja inn óskalistann fyrir afmælið í október.

En strákur var ekki alveg hættur að tala - hann fékk sko að leika með puttahjól í afmælinu og hann gerði  " þrísixtý - bekkflip og slædaði "   Ég þorðii ekki fyrir mitt litla líf að biðja um nánari útskýringu á þessu, nógu  hallærislegur og gamaldags  er maður er nú þegar.  Ég hef samt grun um að þetta séu ákveðnar listir sem snillingar á jútúb framkvæma á bmx hjólum

Það er aldrei of seint að læra eitthvað nýtt - hin 40 ára gamla húsfreyja ákvað að árið 2010 yrði árið sem hún bakaði alvöru vatnsdeigsbollur í fyrsta skiptið á æfinni.  Og það gerði hún .  Þessar guðgómlega góðu og glæsilegu vatnsdeigsbollur með sultu, rjóma og súkkulaðibráð ofan á.  " bestu bollur sem ég hef smakkað " sagði saddur og sæll strákur með súkkulaði á nefi og kinnum.   

Ég ætla að sjóða saltket fyrir manninn í sófanum á morgun en sníkja mér súpu í vinnunni.  Það verður örugglega tvíréttað hér annað kvöld þar sem ég og bræður fáum Sprengidagsmatinn í hádeginu.  Ég er meira að segja að hugsa um að taka með mér nesti í vinnuna ( í stóreldhúsið sjálft ) - mér finnst saltket og baunir afskaplega lítið spennandi matur !

 

Athugasemdir

[Anna Ágústa Bjarnadóttir, 18.2.2010 kl. 14:45]

er ekki til málsháttur sem segir,,allt er fertugum fært